سلام پیلهبرار! تی احوال خوب ایسه؟ از أو بوجر مره دینی؟ مره شناسی؟ احتمالا أ روزان مره فراموش بوکودی. تره آدرس فدم که مره یاد بئری؟ من او کوچیکُرم کی هر بار تی مجسمهی شهرداری دورون دینه، حوضِ دیوار رو نیشینه و تره فندره و تیامره گپ زنه. اگر نتنه بیئیسه حداقل تره سلام کنه و شئه. می دیل هزار پاره بوبوسته میرزا. تنم تی امره درددل بوم؟ البته من نتنم تی مانستن خوب گیلکی گپ بزنم چون می پئر و مارِ یاد بوشو کی أمره أمی مادریزبانِ یاد فدید که أ روزان بتنیم امی سرِ تی ورجا بوجُر بئریم. أ روزان که بهار أمون دره و سیرباقالایِ فصله، دیل نریم بیشیم بیهینیم و أمی دیل سر بزنیم. از أو بوجور تنی بیدینی أمره چی بوبوسته؟ دَنی اوضاع گیلان دمجومج بوبوسته و ایته بی پئرومارِ ویروس بامو و أمی قشنگ پرستاران و زرنگ دکتران و بافرهنگ مردمه قلعوقمع کودن دره؟ دنی هیشکی أمی فکر نیه و أمان باز خودمان به داد خودمان فرسیم؟ حالا أشانه خونِدیلِ أمره تحمل یم. أ بیاحترامی به گیلکانه چوطو تاب بَئریم؟ دنی هموطنان أمره کلفت و گدا دوخوانید؟
أی میرزا جان، أی میزا! کاش تنستی تی اسبِ بینی کنار و بائی بیجیر و باز أمی غم بوخوری. کاش تنستی بائی و أمانم تی شانه به شانه وَنَلیم گیلکِ عزت به باد بوشو. البته منم تی جا بوم بیجیر ناموئیم. کم چیزیه نیه بهشت دورون پرفسور رضا و دکتر معین و شیون و گلآقا أمره همنشین بوئوستن. راستی شمانم گل آقایه، گلآقا دوخوانید یا کیومرث؟ کیومرث سخت نیه؟ هو گلآقا قشنگتر نیه؟
خاب دِ چپچپ نگاه نِوَ کودن. دنم کی زیاد حرف بزئم و تی کله بوبوسته آستانه گمج. الان د تمان أم. فقط خواستیم ایبچی می پیلهبرار أمره گپ بزنم و می دیلِ خالی بوم و بگم أویه کی ایسید أمره دوعا بوید. دوعا بوید که أمان دوباره بتنیم بائیم شهرداری دورون و جشن کدو بیگیریم و أمی دغدغه واگرده به اینکه کو أیتا کباب کثیف خوشمزهتره.
از طرف
شیمی کوجدنه همشهری
پ ن بنا بود ننویسم. به مستور گفتم که چقدر این روزا ذهنم نمیتونه جمله بسازه. اما نوشتم که به یادگار بمونه از روزایی که به همهمون سخت میگذره و به بعضیامون سختتر. ممنون از چالشتون آقاگل و دعوتاتون مستور، همشهری، نسرین عزیز. الهی که همیشه سالمِجان بِدَرید.
درباره این سایت