فقط تی واسی (2)

^{4 سال پیش یا بیشتر.}

کاش تنستیم ع بهار دورون ایته ماسال دهاتان کلبه‌ی بیهینیم و جمعه‌روزان جمعایم و بیشیم اویه بیئیسیم. تو میرزای لیباسان دوی و من می قاسم‌آبادی لیباسانه. تو چو جمعای و من تره کولبا چام. تو تبر اوسانی و هیمه چای و من تره محلی چایی باورم. از دور مره فندری و پیش بایی و ایته بنفشه گول می گوش پشت بنی و تی چاییه اوسانی و هیمه سر بینیشی. منم تی ورجه بینیشم و می سر تی شانه‌ی سر بنم و تی امره گب بزنم و از ع کوجدانه خوشیان که فقط تی امره اتفاق دکفید می دیل چک و پر بزنه.